其實每次都建議返大家，寄完倉係行李輸送帶旁邊即時檢查返行李是否完整，因為如果你離開咗機場就口同鼻坳，如果當你發現到行李有任何損壞，應該即時前往行李帶旁邊的行李詢問處，拎埋你隻行李喼以及登機證即時問工作人員，佢哋會即時幫你處理。
例子1.
如果爆左手把，工作人員會登記左你嘅資料，然後安排上門收咗你個喼去維修，然後維修好就會送返俾你。但係一定要即時攞到行李嘅時候即時攞去行李詢問處處理。
例子2.
如果爆左個外殼，而你又用唔到個行李，佢哋會借一個行李俾你，而你嗰個行李就會送返代理維修，試過有一位客人，包左外殼無法維修，所以機場送返一隻一模一樣全新嘅行李俾佢。
其實除咗呢個方法，你可以去旅遊保險問問，因為有好多旅遊保險都會包你嘅行李，不過就會麻煩，要出示好多證明，證明係航空公司寄倉期間拎到行李損壞等等。
所以我哋每次都會對客人就話拎到行李記得睇清楚，千祈唔好急着返屋企。
